Еңбектік қарым-қатынас

Қазақстан Республикасы Еңбек және халықты әлеуметтік қорғау министрлігі тарапынан Жамбыл облысына 2020 жылға жалпы барлық жұмыс берушілерге шетел азаматтарын жұмысқа тартуға 801 квота белгіленген. 2020 жылдың 1 шілдесіне Жамбыл облысы бойынша 40 жұмыс берушіде берілген рұқсаттарға сәйкес 464 шетел азаматтары жұмыс атқаруда. Шетел жұмыс күшін тартатын жұмыс берушілерде жұмыс атқарып жатқан қазақстандықтардың саны 3750 адамды құрайды.

Әлеуметтік қамтамасыз ету

Бүгінгі күнге облыс бойынша 46427мүгедек бар (оның ішінде 1-ші топтағылар – 4193 адам, 2-ші топтағылар - 18549, 3-ші топтағылар - 17067 адам, 18 жасқа дейінгі мүгедектер саны – 6618 адам).

Әлеуметтік қолдау

2020 жылдың 1 маусымына облыста 52829 адамға 2385,0 млн.теңгенің атаулы әлеуметтік көмегі, 3480 отбасына 58,3 млн. теңгенің тұрғын үй көмегі, жергілікті өкілетті органдардың шешімі бойынша 8060 азаматтарға 518,2 млн.теңгенің әлеуметтік көмек, 1169 мүгедек балаға 28,3 млн теңге үйде оқытылуға жұмсалатын шығындарды өтеу үшін көмек тағайындалды.

Халықты жұмыспен қамту туралы

2020 жылдың 1 шілдесіне  20700 адам жұмыспен қамтудың белсенді түрлерімен қамтылып отыр, соның ішінде 17343 адам ваканттық жұмыс орындарына орналасты.