Жамбыл облысы әкімдігінің

Бүгінде облыста 51 бұқаралық ақпарат құралы жұмыс істеуде. Оның ішінде мерзімді басылымдар саны – 48 (43-газет, 5-журнал), телеарналар – 2 («Қазақстан-Тараз», «77 тв»), ақпараттық агенттік – 1 («Жамбылньюс»).
Басылымдардың 22-і қоғамдық-саяси, 10-ы әлеуметтік бағытта, 10-ы жарнамалық, 10-ы мәдени-танымдық, 2-уі діни бағытта.
52 бұқаралық ақпарат құралдарының 14-де мемлекеттің қатысу үлесі бар (51%).
Ақпараттық құралдарының 8-і қазақ тілінде, 8-і орыс тілінде, 36-ы екі тілде шығарылады.               
2016 жылы мемлекеттік тапсырысты 31 бұқаралық ақпарат құралы орындауда.
Облыстың қоғамдық-саяси және әлеуметтік-экономикалық өмірін, жергілікті атқарушы органдардың қызметтерін ақпараттық қамтамасыз ету мақсатында 31 медиа-жоспар әзірленіп, бекітілген.
Олар ҚР Президенті Жолдауын, «Мәңгілік Ел» идеясын, «Әлем. ХХІ ғасыр» Манифестін, «Ұлт жоспары – 100 нақты қадам», «Болашағы бір тұтас ел», «Жалпыға ортақ еңбек қоғамы», «Тәуелсіздіктің 25 жылдығы» атты іс-шаралар жоспарларын,  мемлекеттік және салалық бағдарламалар мен қоғамдық маңызы бар өзге де тақырыптарды ақпараттық сүйемелдеуге бағытталған.
Ақпараттық жұмысты ұйымдастыру үшін спикерлер және әр сала бойынша маманданған журналистер пулы қалыптастырылған. Әлеуметтік желілерде жұмыс жүргізетін топтар ұйымдастырылған.