Жамбыл облысы әкімдігінің

 
«Бизнестің жол картасы – 2020» бағдарламасын іске асыру басталғаннан бері қолдаудың барлық қаржы инструменттері арқылы жалпы сомасы  97,4 млрд. теңгені құрайтын 1034 жоба қолдау тапты, оның ішінде «Пайыздық ставканы субсидиялау» құралы бойынша жалпы сомасы 82,0 млрд. теңгені құрайтын 841 жоба (2018 жылдың қаңтар-маусымында 2,8 млрд.теңге,                 19 жоба).
 «Банк кредиттері бойынша кепілдік беру» құралы бойынша, жалпы кепілдік сомасы 3701,8 млн. теңгені құрайтын 320 жоба жүзеге асырылып жатыр (2018 жылдың қаңтар-маусымында 339,5 млн.теңге, 36 жоба).
 «Өндірістік (индустриялық) инфрақұрылымды дамыту» құралы бойынша 11,8 млрд. теңгеге 88 жоба іске асырылды (2018 жылдың қаңтар-маусымында        5 жоба, 380,4 млн.теңге).
«Гранттық қаржыландыру» құралы бойынша АҮК-мен 140,3 млн. теңге сомасына 50 жоба қаржыландыруға мақұлданды.
ҚР Мемлекеттік кірістер комитетінің мәліметтері бойынша сыртқы сауда айналымы 2018 жылдың қаңтар-наурызында 210,3 млн. АҚШ долларын құрап, 2017 жылдың қаңтар-наурызынан 12,5%-ға төмендеген, оның ішінде экспорт - 96,3  млн. АҚШ доллары (47,2%-ға), импорт – 114,0 млн. АҚШ доллары (2 есеге өскен). Сыртқы сауда айналымының сальдосы теріс қалыптасты - 17,7 млн. АҚШ доллары.
2018  жылдың қаңтар-маусымында бөлшек сауда айналымының көлемі 123,4 млрд. теңгені құрап, 2017 жылдың қаңтар-маусымымен салыстырғанда 3,3%-ға  артты.  Көтерме сауда айналымы ағымдағы кезеңде 85,5 млрд. теңге сомасында қалыптасып, 10,6%-ға артты.
Көлік. 2018 жылдың қаңтар-маусымында көліктің барлық түрлерімен жүк тасымалдау 2017 жылдың тиісті кезеңімен салыстырғанда 8,4%-ға, жүк айналымы 5,2%-ға, жолаушылар тасымалдау 2,0%-ға, жолаушылар айналымы 6,5%-ға ұлғайды.
Инвестиция. Негізгі капиталға салынған инвестициялардың жалпы көлемі 110,7 млрд. теңгені құрап, өткен жылдың тиісті кезеңінен 4,4%-ға ұлғайды. Өсім Жуалы ауданындағы «Burnoye Solar» күн электростансасына құрал-жабдықтар алуға, өңдейтін зауыт құрылысын салуға және Сарысу ауданында «ЕвроХим» Қаратау» ЖШС химиялық тыңайтқыштар өндіретін зауыт, Шу ауданында «Хим - плюс» ЖШС химиялық тыңайтқыштар өндіретін, «АГП» ЖШС газ құбырының құрылысына инвестицияны тарту есебінен қамтамасыз етілді.    
  2018 жылдың қаңтар-маусымында құрылыс жұмыстарының (қызметінің) көлемі, қосымша бағалау есебімен 41,7 млрд. теңгені құрап, 2017 жылдың қаңтар-шілдедегі деңгейіне 118,8% -ды құрады. Өсім Тараз қаласында тұрғын үйлер ғимаратының және көппәтерлі тұрғын үйлердің құрылысы және Қордай ауданындағы республикалық мәндегі автомобиль жолының құрылысы есебінен қамтамасыз етілді.
Пайдалануға  енгізілген  тұрғын үйлердің жалпы көлемі 212,9 мың шаршы метрді  құрап,  2017 жылдың тиісті деңгейінен 4,0%-ға артты (оның ішінде мемлекеттік қаражат есебінен 17,1 мың шаршы метр, жеке секторда –  195,8 мың шаршы метр).
2018 жылдың маусым айында инфляция деңгейі 2017 жылдың желтоқсанына 102,3%-ды құрады. Азық-түлік тауарлары бойынша тұтыну бағалары  2,9 %-ға, азық-түлік емес тауарлар - 2,5%-ға, ақылы қызметтер - 1,5%-ға көтерілді.
Облыста инфляция деңгейі республикалық орташа көрсеткіштен               0,3 пайыздық тармаққа төмен (ҚР - 102,6%).  
 2018 жылдың маусым айында тұтыну бағаларының индексі үстіміздегі жылдың мамыр айына 100,1%-ды құрады, оның ішінде азық-түлік тауарлары бойынша - 100,0%,  азық-түлік емес тауарлары бойынша - 100,2%,  ақылы қызметтер - 100,1%.
Азық-түлік тауарлары бойынша жыл басынан  қызылша - 20,4%-ға, жемістер - 7,9%-ға,  қант - 6,6%-ға, кондитерлік бұйымдар - 4,4%-ға, шұжықтар және ет өнімдері – 4,3%-ға, ірімшік пен сүзбе - 4,0%-ға, май және тоң май - 3,8%-ға, ет - 3,7%-ға, айран - 3,4%-ға, алкогольсіз сусындар  - 3,2%-ға, сүт өнімдері - 2,9%-ға, ұн -1,3-ға%, күріш -0,7 ға%  қымбаттады. 
Нан, жылқы және қой еті бағалары тұрақты болып қалды. Жұмыртқа бағасы - 1,2%-ға, жармалар – 3,1%-ға төмендеді.
 Азық-түлік емес тауарлар нарығында жыл басынан фармацевтикалық өнім бағасы - 4,7%-ға, темекі бұйымдар - 3,7%-ға, киім және аяқ киім бағалары  - 2,8%-ға, дизель отын бағасы -2,4%-ға,  қатты отын бағасы -1,2%-ға  көтерілді.
 Бағалар жанар-жағар майға (оның ішінде бензин - 1,3%-ға) төмендеді.
Ақылы қызмет көрсету тобы бойынша ү.ж. маусым айында байланыс қызметтері – 1,7%, (оның ішінде кабельдік теледидар қызметтері -                  14,3%-ға, почталық қызмет - 4,3%-ға), тасымалдау қызметтері – 2,5%-ға (оның ішінде әуе көлігі – 26,1%-ға, теміржол көлігі -4,2%-ға), мәдениет демалыс саласындағы қызметтер – 2,1%-ға көтерілді.
Салықтар. 2018 жылдың қаңтар-маусымында бюджетке 41,9 млрд. теңге салықтар және басқа да міндетті төлемдер жиналды немесе болжамға 113,0%, оның ішінде республикалық бюджетке  - 13,9 млрд. теңге (болжамға 104,8%), жергілікті бюджетке – 28,0 млрд. теңге (болжамға 117,7%).
Жұмыспен қамту және әлеуметтік сала. 2018 жылдың қаңтар-маусымына нәтижелі жұмыспен қамтуды және жаппай кәсіпкерлікті дамытудың 2017 - 2021 жылдарға арналған бағдарламасы шеңберінде және жұмыспен қамтудың кешенді жоспары бойынша жұмыспен қамтудың белсенді шараларымен барлығы 16396 адам қамтылды. Мемлекеттік, үкіметтік және салалық бағдарламалардың шеңберінде жүзеге асырылатын жобаларға жұмысқа орналасқандар - 1130 адам, мемлекеттік қолдау шаралары қарастырылмаған жұмыс орындарына - 4924 адам жұмысқа орналасты. Әлеуметтік жұмыс орындарымен 1173 адам, жастар практикасымен – 1399 адам, ақылы қоғамдық жұмыс орындарымен – 3754 адам қамтылды, берілген микрокредиттер – 220, қысқа мерзімдік оқытудан – 2890 адам және кәсіпкерлік оқытудан өткендер - 836.
2018 жылдың қаңтар-маусымына 3970 жаңа жұмыс орындары құрылды, оның ішінде тұрақтысы - 3136. Жұмыспен қамту жөніндегі уәкілетті органдар арқылы жұмысқа тұрғызу үшін жүгінген  17868  адамның 11977 адам жұмысқа орналастырылды.
Ресми тіркелген жұмыссыздық деңгейі 2018 жылдың 1 шілдесінде  2,3%-ды құрады.
Бір қызметкердің орташа айлық еңбекақысы 2018 жылдың 1 тоқсанына 102134 теңгені құрады, бұл 2017 жылдың тиісті кезеңінен номиналдық тұлғалауда 8,2%-ға артып, нақты - 1,6%-ға артқан.
Халықтың жан басына шаққандағы номиналды ақшалай табысы            2018 жылдың 1 тоқсанында 55659 теңгені құрап,  2017 жылдың тиісті кезеңімен салыстырғанда 11,7%-ға, нақты – 4,9%-ға өсті.
Білім беру жүйесін қаржыландыруға 2018 жылы бюджеттен 106,1 млрд. теңге қарастырылды. 2018 жылдың 1 шілдеге 57,5 млрд. теңге немесе есепті кезеңнің жоспарына 100% игерілді.
Білім беру жүйесіндегі нысандарды дамытуға 2018 жылы 4 929,6 млн. теңге, оның ішінде республикалық бюджеттен - 2 453,4 млн. теңге, жергілікті бюджеттен – 2 476,2 млн. теңге қарастырылған. 2018 жылдың 1 шілдесіне 2 922,9 млн. теңгесі немесе 100% игерілді.
2018 жылдың 1 маусымына республикалық бюджет қаражаты есебінен 2700 оқушыға арналған 4 мектептің (Байзақ ауданы Байзақ ауылындағы 300 оқушыға, Тараз қаласы Шөлдала алқабындағы 900 оқушыға, Тараз қаласы Бәйтерек мөлтек ауданында 1200 оқушыға  арналған орта мектептердің және Тараз қаласы 300 оқушыға арналған №24 гимназиясының қосымша құрылысы), облыстық бюджет қаражаты есебінен - 520 оқушыға арналған 5 мектептің (Жуалы ауданы Қызыларық ауылында 150 оқушыға, Қордай ауданы Соғанды ауылында 50 оқушыға арналған №33 және Көктөбе ауылындағы 50 оқушыға арналған №40, Меркі ауданы Сұрат ауылдық округі Тескентоған ауылында 150 оқушыға  және Талас ауданы Қасқабұлақ ауылында 120 оқушыға арналған мектептер) құрылыстары жалғастырылуда.     
2018 жылы республикалық бюджет қаражаты есебінен Шу қаласы Тоғай тұрғын алқабы Сыпатай Батыр көшесі бойындағы 300 оқушыға арналған орта мектебінің, облыстық бюджет қаражаты есебінен -  428 оқушыға арналған 4 мектептердің (Байзақ ауданы Ақшолақ ауылында 120 оқушыға арналған, Жамбыл ауданы Бірлесу-Еңбек ауылында 140 оқушыға арналған, Меркі ауданы Қазақ Дихан ауылында 120 оқушыға арналған орта мектептердің және Т.Рысқұлов ауданы Жалпақсаз ауылында 48 оқушыға арналған бастауыш мектеп) құрылыстары басталды.
Компьютерлік техникамен қамтамасыз ету деңгейі бір компьютерге орташа есеппен 10 оқушыны құрайды, ауылдық жерде - 9. Жалпы облыстың барлық мектептері Интернет желісіне қосылған, 347 мектепте 1678 интерактивті тақталар орнатылған, кең ауқымды Интернет желісіне 450 (100%) мектеп қосылған, 434 мектепте «Күнделік» жүйесі енгізілді.
Бірыңғай ұлттық тестілеу нәтижесі бойынша орташа балл 89,4 (орташа республикалық көрсеткіш - 83,1) құрады, бұл 2017 жылға қарағанда 11,5 баллға жоғары (2017 жыл - 77,9).
2018 жылдың 1 шілдесінде облыстағы  493 мектепке дейінгі ұйымдарда    (341 балабақша, 152 шағын орталықтар) 52,9 мың бала немесе  68,0% (1-6 жас) тәрбиеленуде, бұл 2017 жылдың тиісті кезеңімен салыстырғанда 10,4 пайыздық тармаққа артық.
2018 жылдың қаңтар-маусымында 66,0 мың тұрғынға 1126,7 млн. теңгеге әлеуметтік қолдау көрсетілді, оның ішінде 902,7 млн. теңгеге атаулы әлеуметтік көмек, 193,6 млн. теңгеге тұрғын үй жәрдемақысы, 30,4 млн. теңгеге үйде оқытылып жатқан мүгедек балаларға жәрдемақы төленді.
Денсаулық сақтау жүйесін қаржыландыруға 2018 жылы 8,6 млрд. теңге бөлінді және 2,3 млрд. теңге игерілді,  оның ішінде тегін көмек көрсетудің кепілдендірілген көлемін қамтамасыз етуге – 3,4 млрд. теңге.
Денсаулық сақтау нысандарының материалдық-техникалық базасын нығайтуға жергілікті бюджеттен 2,9 млрд. теңге бөлінген.
Денсаулық сақтау нысандарын дамытуға 2018 жылы 1 427,8 млн. теңге, оның ішінде республикалық бюджеттен - 750,0  млн. теңге, жергілікті бюджеттен – 677,8 млн. теңге қарастырылған. 2018 жылдың 1 шілдесіне 198,8 млн. теңгесі немесе 100% игерілді.
2018 жылы республикалық бюджет қаражаты есебінен кейінге қалдыру шартымен Тараз қаласындағы 200 төсек-орындық облыстық онкологиялық диспансер құрылысын салу жоспарлануда, облыстық бюджет қаражаты есебінен ауысымына 30 келушіге арналған 6 медициналық пункттердің (әрқайсысы ауысымына 5 келушіге арналған Байзақ ауданы Шоқан және Көкөзек ауылдарында, Қордай ауданы Көкадыр ауылында, Т. Рысқұлов ауданы Мамай-Қайыңды ауылында, Сарысу ауданы Қамқалы және Шағала ауылдарында), ауысымына 20 келушіге арналған 2 фельдшерлік-акушерлік пункттер (әрқайсысы ауысымына 10 келушіге арналған Мойынқұм ауданы Көкжелек және Ұланбел ауылдарында), ауысымына 15 келушіге арналған Жамбыл ауданы Бектөбе ауылындағы дәрігерлік амбулатория құрылыстары басталды.
2018 жылдың қаңтар-маусымына психикалық бұзылу және қан айналымы жүйесі ауруларына шалдығу деңгейі өсіп, нашақорлық, туберкулез, жаңадан пайда болған қатерлі ісік және қант диабеті ауруларының деңгейлері төмендеген. Ана өлімінің  2 жағдайы (Талас ауданы және Тараз қаласында тіркелді).